سياسة الخصوصية | دارك كونكر

مين إحنا

Dark Conquer سيرفر ألعاب خاص بتشغّله Project Alpha Tech في القاهرة، مصر. السياسة دي بتشرح البيانات اللي بنجمعها لما تستخدم الموقع أو اللعبة.

بنجمع إيه

اسم الأكونت، والباسورد متخزن متشفّر (Whirlpool) ومحدش يقدر يقراه، وبيانات اللعب (الشخصية، اللفل، الآيتمز، الـ CPs). في الطلبات بنسجل اسم الأكونت والباقة والمبلغ والحالة. وبنسجل عنوان الـ IP لحماية السيرفر من السبام والغش.

مبنجمعش إيه

مبنطلبش إيميل ولا رقم تليفون ولا اسمك الحقيقي. الدفع بيتم من خلال InstaPay، وإحنا مبنشوفش بيانات كارتك ولا حسابك البنكي، بنشوف بس اللي بيظهر في التحويل.

بنستخدمها في إيه

تشغيل أكونتك، وتسليم الطلبات، ومنع الغش والسبام، والرد على الشكاوى. مبنبيعش بياناتك ولا بنشاركها مع حد غير لو القانون طلب كده.

الكوكيز

الموقع بيحفظ اختيار اللغة بس في متصفحك. مفيش كوكيز إعلانات ولا تتبع.

مدة الحفظ

بيانات الأكونت فاضلة طول ما الأكونت موجود. سجلات الطلبات بنحتفظ بيها سنتين للمحاسبة، وعنوان الـ IP بيتمسح منها بعد 90 يوم. سجلات السيرفر بنحتفظ بيها على قد ما نحتاجها للأمان بس.

حقوقك

تقدر تطلب نسخة من بياناتك أو مسح الأكونت بالكامل. تواصل معانا من صفحة طلبك (هنضيف وسيلة تواصل مباشرة قريب).